Në vetëm dy muaj shegertët , ish shegertët dhe punëmarrësit e rinj kanë mbledhur 176'447 nënshkrime - për 8 javë pushime gjatë praktikës. Më 21 gusht 2025 apeli iu dorëzua Qeverisë federale.
Kjo është një shenjë e fortë: Trajnimi profesional duhet të përmirësohet dhe barra mbi të rinjtë të zvogëlohet. Shegertët deri më tani nuk kanë zë në politikë. Kjo duhet ndryshuar! Peticioni rekord është vetëm fillimi.
Shegertët kontribuojnë shumë - mirëpo pushimi i tyre është i shkurtë. Përderisa bashkëmoshatarët e tyre në gjimnaz dhe shkolla të mesme profesionale kanë 13 javë pushime, shegertët kanë vetëm 5 javë. Kjo është e padrejtë. Shumica janë të mbingarkuar. Dy të tretat e shegertëve sipas anketave kanë ngarkesa psikike, çdo i katërti person e ndërprenë praktikën. Orare më të gjata pune, më pak pushime dhe mungesa e mbështetjes janë arsyet kryesore.
Para dy muajsh shegertë nga profesione të ndryshme janë bërë bashkë dhe kanë nisur peticionin. Me rastin e dorëzimit para pallatit federal, Lea, floktare praktikante në vitin e 3-të, tha: "Ne do të vazhdojmë të angazhohemi deri sa ti fitojmë 8 javët e pushimit." Félicia Fasel, kryetare e komisionit rinor të SGB/USS (Bashkimit të Sindikatave të Zvicrës), e plotëson: "176'000 nënshkrime - kjo është historike. Shegertët kanë nevojë për një zë në politikë." Vincent, i aftësuar rishtas si planifikues elektrik, thotë: "Më shumë pushime heqin presionin, pa zvogëluar cilësinë. Ky është një investim për ardhmërinë e kuadrove tona profesionale."
Nëse duam të fuqizojmë trajnimin profesional, duhet të rrisim atraktivitetin. Rregullat aktuale të punës dhe pushimeve i trembin shumë të rinj. Më shumë pushime do ta bënin praktikën më të aftë për konkurrim karshi shkollave të mesme - një hap vendimtar për të ardhmen e trajnimit profesional.
Kërkesat kanë hasur në mbështetje të gjerë - nga organizatat rinore, personave trajnues, ekspertëve arsimor. Në ndërkohë kjo çështje është marrë në dorë nga një grup parlamentar mbipartiak. Ky grup donë të dorëzojë një iniciativë për 6 javë pushime për shegertët. Kjo nga pikëpamja e te rinjve është vetëm se fillimi. Të rinjtë kërkojnë edhe më tej 8 javë pushime. Pasi që vetëm kështu mund të vlerësohet e përmirësohet trajnimi profesional.