Më të rëndësishmet nga politika, migracioni dhe shoqëria.

Në numrin e fundit të shtypur të Horizonte, ne si ekip redaktues i themi lamtumirë "Horizonte" në formë të shtypur. Me mendime e ndjenja të përziera, por shumë optimiste. Në një intervistë me Andreas Rieger, ish-bashkëpresident i Unia-s, i hedhim një vështrim të shkurtër origjinës së "Horizonte" dhe komunikimit shumëgjuhësh të sindikatave të asaj kohe, të cilat më vonë u bashkuan për të formuar Unia.

Ja editoriali siç u botua në versionin e shtypur këtu një-për-një.
Tanimë është realitet. Po e mbani në dorë numrin e fundit të revistës sonë shumëgjuhësore "Horizonte" në formë të shtypur ne letër. Për ne si redaksi, është një çast mbresëlënës për t'i thënë lamtumirë gazetës në letër, aromës delikate të ngjyrës dhe ndjesisë së letrës midis gishtërinjve tanë.
Mirëpo ne ecim përpara. "Horizontin" tanimë do të mund ta gjeni dhe lexoni gjithandej në botën e hapur të internetit. Gjithmonë pranë anëtarëve tanë dhe si një burim i mirëpritur informacioni edhe për të interesuarit e tjerë. Ne mezi po presim të shohim se si do të zhvillohet më tej "Horizonte" ynë. Ndani tekstet, të cilat juve ju pëlqyen me i-mel, WhatsApp ose në mediat sociale që nga këto informacione të mund të përfitojnë shumë veta dhe të njohin më mirë punën tonë sindikaliste dhe të drejtat e tyre.
Kur jemi tek historia: me dorëzimin e nënshkrimeve më 21 nëntor 2024 për Nismën për Demokraci, pas 50 vitesh sulmeve ndaj të drejtave migrantëve, u dorëzua një nismë përparimtare. Nisma e iniciuar dhe bartur nga shoqëria civile kërkon një ndryshim të paradigmës në temën e të së drejtës për shtetësi: përkatësisht kritere të drejta dhe objektive natyralizimi dhe në këtë mënyrë pjesëmarrjen politike në demokraci të çerekut të fundit të popullsisë zvicerane, e cila sot e çon përpara vendin ekonomikisht, shoqërisht dhe kulturalisht, por nuk i lejohet të bashkëbisedojë politikisht.
Tani fillon një fazë e re e punës politike: Përfitimi i njerëzve për këtë projekt përparimtarë dhe me këtë e dhe mënjanimi e deficitit demokratik. Nga të gjithë ne kërkohet të flasim për iniciativën dhe përfitimet pozitive për të gjithë shoqërinë dhe demokracinë; në ndërmarrjen ku punojmë, në rrethin tonë miqësor, në shoqatë. Falë iniciativës - gjithashtu me një vetëbesim më të fortë. Historitë do të shkruhen, nëse vizioni shoqërohet me veprime të vendosura dhe pa luhatje.

Edhe viti 2024 do të jetë së shpejti histori: Ne nga redaksia e “Horizonte” ju urojmë pushime të këndshme e relaksuese dhe gjithë të mirat në Vitin e Ri.