Pas disa raundeve të bisedimeve, një demonstrate të madhe dhe protestave nëvendet e punës, sindikatat arritën një rezultat të mirë: Të gjithë punëtorët e ndërtimtarisë marrin nga 2025 një rritje page prej së paku 1,4 përqind. Pos kësaj ne arritëm të sigurojmë pensionimin me 60 për të ardhmen.
Më 5 nëntor, sindikatat Unia dhe Syna si dhe Shoqata Zvicerane e Sipërmarrësve të Ndërtimit ranë në ujdi për një rezultat në negociatat e pagave. Më 23 nëntor, delegatët bazë të Unia miratuan rezultatin. Shoqata e mjeshtërve të ndërtuesve dhe Syna rezultatin e arritur e kanë pranuar më herët.
Pagat efektive të punëtorëve të caktuar të ndërtimit dhe pagat minimale në përgjithësi do të rriten me 1.4 për qind. Kontributi financues i punëdhënësit për pensionin 60 vjeç (FAR fleksibël i pensionit) do të rritet me 0.5 për qind. Punëdhënësit do të paguajnë tashmë 6 për qind dhe kontributet e punonjësve do të mbeten në 2.25 për qind. Nga ana e përfitimeve, kontributet për të zëvendësuar kreditë e pensionit BVG do të anulohen, pensioni i plotë do të jetë i mundshëm pas 20 vitesh në vend të 15 viteve kontribute dhe do të rriten stimulimet për të punuar vullnetarisht përtej moshës 60 vjeç. Periudha e mundësisë së prishjes së Kontratës për pension të parakohshëm të do të rritet nga 5 në 10 vjet. Kjo jep një siguri më afatgjate për punëtorët e ndërtimit për ruajtën e pensionit në moshën 60 vjeç. Nëse, papritur, në të ardhmen bëhen të nevojshme masa të mëtejshme ristrukturimi, pala e punonjësit do të vendosë nëse këto duhet të zbatohen nëpërmjet rritjes së kontributeve apo rregullimeve të përfitimeve.
Rezultati aktual i bisedimeve erdhi pas disa raundesh. Një zgjidhje ishte përfundimisht e mundur sepse të dyja palët ishin të gatshme t'i afroheshin njëra-tjetrës. Rezultati nuk ishte pa polemika midis të gjitha palëve kontraktuese. Pas diskutimeve të gjera, shumica ra në ujdi për rezultatin e negociatave. Faktori vendimtar për punëtorët e ndërtimit ishte se me këtë rezultat të negocimit mund të ruhej fuqia aktuale blerëse dhe të sigurohej pensioni i parakohshëm pa humbje pensioni dhe pa rritur moshën e daljes në pension.