Unë jam krenare për atë, se sa njerëz bëhen bashkë në Unia, ngase ne së bashku mund të ndikojmë për të mirën! Për mua, Unia është vendi ku njerëzit mund të bëjnë diçka së bashku dhe të përmirësojnë gjërat – qoftë konkretisht me krijimin e pagave më të larta, mbrojtjes më të mirë të shëndetit dhe sigurisë në punë, mundësinë e pensionimit të parakohshëm, të drejta të njëjta për të gjithë ose, siç ndodhi së fundmi, një pension të 13 mujor të AHV/AVS-së. Kjo më bën tepër krenare.
Jo vetëm për punëmarrësit individual, gjithashtu edhe për sindikatat vlen: Së bashku jemi më të fortë. Kjo mendësi bëri të mundur bashkimin historik. Nga kjo mund të mësojmë edhe për të ardhmen.
Ato janë çështjet e mëdha sociale, të cilat preokupojnë njerëzit: Në Zvicër në vitet e fundit pagat reale, pra matur me inflacionin, janë ulur. Por pagat e larta dhe të ardhurat nga kapitali vazhdojnë të rriten. Kjo nuk është keq vetëm për punëmarrësit, por gjithashtu keq edhe për ekonominë. Dhe kjo është e keqe për kohezionin social. Pabarazia sociale rrezikon së fundmi demokracinë. Është e rrezikshme, kur elitat financiare - njerëzit sikur Blocher apo Musk - mund të blejnë pushtetin e tyre politik. Kësaj ne duhet vendosmërisht t'i kundërvihemi.
Ne duhet të mbrojmë Kontratat Kolektive të Punës nga sulmet e furishme të punëdhënësve. Sivjet veçanërisht KKP-në e ndërtimtarisë kryesore. Mirëpo ne jemi duke mobilizuar edhe sektorët tjerë, për të arritur përparime tek kushtet e punës dhe pagat, kështu tek KKP-ja më e madhe ndonjëherë, KKP-ja shtetërore për Gastronomi. Në rrafshin politik, ne duhet të mposhtim nismën demagogjike të SVP/UDC-së për një “Zvicër 10 milionëshe”, e cila synon të heqë lëvizjen e lirë të njerëzve dhe mbrojtjen e pagave. Kjo nuk vjen në shprehje, pasi që kjo është e drejtuar frontalisht kundër punëmarrësve në këtë vend! Edhe tek Marrëveshjet dypalëshe me BE-në, në asnjë rrethanë nuk duhet të sakrifikohet mbrojtja e pagave. Ne po luftojmë të sigurojmë që "pagë të barabartë për punë të njëjtë në vend të njëjtë" gjithashtu të mund të zbatohet në mënyrë efektive.