Migros Online të bën të sëmurë

Punonjësit e Migros Online i nënshtrohen stresit të rrezikshëm shëndetësor. Deri verën e kaluar, 43-vjeçarja Lida Nachreiner punonte në Migros Online në Pratteln (Baselland), duke mbledhur kuti me sende ushqimore të porositura. Mesatarisht, ajo në ditë përshkoi pothuajse 20 kilometra dhe ngrinte kuti me peshë deri në 30 kilogramë. Sipas ligjit të punës, një gruaje në moshën e saj lejohet të ngrejë më së shumti 13 kg, dhe atë vetëm herë pas here. Megjithatë, Nachreiner ngrinte kutitë e rënda rreth 15 herë në orë. Pas një viti e gjysmë, trupi i saj nuk e përballoi dot më dhe u sëmur. Pas katër muajsh Migros Online e largoi nga puna. S'është rast i vetëm. Unia është në dijeni për rreth një duzinë punëmarrësish, që për shkak të ngritjes së mbipeshave u sëmurën dhe u larguan nga puna pasi kishte skaduar periudha e parashikuar me ligj. Vjeshtën e kaluar, Inspektorati i Punës kontrolloi qendrën e shpërndarjes në Pratteln (BL) dhe evidentoi mangësi të ndryshme. Përqendrimi ishte në ngritjen e ngarkesave që ishin shumë të rënda për shpatullat.