Mjeshtërit e ndërtimtarisë në Gjenevë prishin kontratën kolektive lokale!

Prej vitesh, sektori kryesor i ndërtimit në Gjenevë ka pasur një marrëveshje shtesë përveç Kontratës Kolektive Kombëtare (LMV/CT/CM). Por tani mjeshtërit po i japin fund asaj – dhe po u vjedhin punëtorëve të ndërtimit në Gjenevë 400 franga nga paga. Me këtë, ata do të ishin të vetmit punëtorë ndërtimi në mbarë Zvicrën për të cilët gjërat shkojnë prapa në vend se para. Dhe kjo në një nga qytetet më të shtrenjta në botë! Prapa kësaj qëndron një manovër e Shoqatës së Ndërtuesve të Gjenevës. Ajo ka shkëputur në fund të marsit marrëveshjen shtesë të Gjenevës për Kontratën Kolektive Kombëtare. Bëhet fjalë për një kontratë kolektive lokale (GAV), e cila ofron kushte më të mira se ajo kombëtare. «Punëtorët janë në shok», thotë sekretari i ndërtimit në Unia, José Sebastião. «Ata ndihen të mashtruar dhe të shpërfillur, dhe në kantieret e ndërtimit vlon zemërimi.» A ka sërish grevë në ajër në Gjenevë? Një gjë është e sigurt, thotë Sebastião: «Edhe përgjigjja jonë do të jetë e paprecedentë!»